إلك يبن الحسن عهدي

السلام عليكم ورحمة الله وبركاته
قصيدة ( إلك يبن الحسن عهدي ) للشاعر الحسيني جابر الكاظمي

أمل و يعيش ويايه الأمل ما مات همت بهواك و اتذكر زماني الفات

بعدها اطيوفك ابعيني تنيمني و تصحيني

القلب مشغوف و يرتل الك آيات شعر مسنون يتضمن خمس أبيات

القوافي اتغازل اسنيني اكتبتها بدم شراييني

الك ما أخلف بوعدي إجيت بشوقي و ابودي

أصيحن مهدي يا مهدي

****

ويه أول بيت يالمهدي ابعثت مرسال إلك مشتاق يالحبك نبع سلسال

جزه الأول و إجه الثاني شهد بحروف وجداني

كتبت احروف سحريه شرحت الحال صحت ذكراك يالمهدي تظل علبال

محبتك هي عنواني كتبها بطارف الساني

هويتك يا نجم سعدي ينسمات الهوى النجدي

****

رسالة شوق يالغايب الك خطيت بعثت الروح يالمهدي ويه ثالث بيت

صحت يا زهرة أيامي عشكَتك و الكلب ضامي

حنين الكاع للمزنه الك حنيت ياريت بطيف تلفيني و أكولن بيت

أشوفك ورده جدامي تفوح بروضة أحلامي

حلم أخضر الك أهدي و أبدد كل حلم وردي

***

يا طي عيناي هاك اسمع دليلي اشقال الك غنيت تجليبه و لحن موال

غنه العشاق يحلا لي صحت وابديت موالي

أنا الياويل محبوبي غيابك طال و حق عيناك ما أدري الهجر جتال

مغيبك صاب دلالي صحت ياويلي يالغالي

الك راويت كل وجدي صحت و اجزيت عن حدي

****

إله الكون بالمصحف مرج بحرين خطيت وياك بالبرزخ نمير العين

يا خامس بيت و احروفه عبير الجنه محفوفه

زفاف الروح و بقلبي الك دارين إخذ و اختار يالمهدي مبيتك وين

الكَلب الهواك ما يعوفه بهواك الروح مشغوفه

إذا حفروا ترب لحدي و أبات بحفرتي وحدي

***